‘जय पर्शुराम’ शुक्रबार

काठमाडौँ, २७ साउन । शुक्रबार नेपाली चलचित्र ‘जय पर्शुराम’ मात्र प्रदर्शनमा आउने भएको छ ।

tMBAcjay-parshuram

नायक विराज भट्टको ‘कमब्याक’का रुपमा आएको चलचित्र ‘जय पर्शुराम’ पूर्ण द्वन्द्वप्रधान चलचित्र हो । केही समययता भोजपुरी चलचित्रमा व्यस्त विराजले करिब छ वर्षपछि नेपाली चलचित्रमा अभिनय गरेका हुन  । सामाजिक ‘द्वन्द्व’सँगै सामाजिक कथावस्तु समेटिएको सो चलचित्रमा विराजले एक कर्मठ प्रहरी अधिकारीको भूमिका निर्वाह गरेका छन ।

रोज राणाले निर्माण तथा निर्देशन गरेको ‘जय पर्शुराम’मा निशा अधिकारी नायिका तथा गायकसमेत रहनुभएको छ । रवीन तामाङ खलनायकको भूमिकामा हुनुहुन्छ । चलचित्रमा एनबी महर्जनको द्वन्द्व तथा महेश खड्काको सङ्गीत छ ।

यसअघि ब्ल्याक चिल्ली इन्टरटेनमेन्ट प्रालिका निर्देशक नवराज घिमिरेले पुनरावेदन अदालत, ललितपुरमा चलचित्र ‘जय पर्शुराम’ विरुद्ध मुद्दा दर्ता गराउनुभएको थियो । उहाँले आफूले बनाएको चलचित्रसँग नाम मिलेको आरोप लगाएका थिए  । सोहीअनुरुप मङ्गलबार सो अदालतले जय पर्शुरामको प्रदर्शन रोक्ने आदेश जारी गरेको थियो ।

निर्देशक घिमिरेले बनाएको चलचित्र ‘पर्शुराम’ र राणाको चलचित्र ‘जय पर्शुराम’ भएको पुष्टि भएपछि पुनः प्रदर्शन गर्न अदालतले दिएको छ ।

विराज नेपाली चलचित्रमा फर्कँदा राम्रो चलचित्र छानेको, चलचित्र राम्रो बनेको र एक्लै प्रदर्शनीको मौका पाएकाले पनि चलचित्र सफल हुने वितरक सुनिल मानन्धरले बताए  । रासस

प्रतिकृया